Gardentasun ariketa, herritarren aurrean

21 10 2011

Udal guztietako hautetsi guztiek egin beharko genukeen gardentasun ariketa interesgarria egin dugu gaur Bilduko zinegotziok eta alkateak Zarautzen. Udal Gobernuan daramatzagun lau hilabete hauetan aurkitu duguna, egiten ari garena eta, batez ere, hurrengo hilabeteotan ditugun erronkak herritarrei erakustea zen hasiera batean gaurko deialdiaren asmoa. Horretarako, herriko dozenaka elkarte, talde eta eragile gonbidatu genituen, eta bildutakoen aurrean aurkezpen orokorra egin ondoren, sailez sail egoera zein den eta zein asmo ditugun plazaratzea zen helburua.

Ohartzerako, ordea, herritarren eta zinegotzion arteko solasaldi interesgarria bihurtu da ia bi orduko jarduna. Udalaren egoera ekonomikoa, aurreko gobernuaren kudeaketa, espekulatzaileekin azken unean sinatu zituzten hitzarmenak, alde zaharreko plana, kirol azpiegiturak, polikulturalaren zama astuna, hondakinen kudeaketa, atez ateko sistema eta beste hainbat gai izan ditugu hizpide Antoniano aretoan bildutako herritar guztiekin batera, galderen harira gaiak mahai gainera agertu ahala.

Amaieran, sortu den dinamikarekin gustura sumatu ditugu herritarrak, eta gustura geratu gara gu ere. Izan ere, gure asmoekin batera, gure kezkak, zalantzak eta ezintasunak partekatu ditugu, garden, zintzo. Berehala ohartu gara ez dagoela herritarrei hitza ematea, aurrez aurre entzutea, eta erantzunak elkarrekin bilatzea bezalakorik.

Eskerrik asko, beraz, Zarautz hobetu nahian ostiral ilunabarrean bi ordu eskaini dizkiguzuen elkarte eta herritar guztiei.

Esandakoa: gehiagotan egin beharreko gardentasun ariketa interesgarria iruditu zaigu.


Ekintzak

Information

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s




%d bloggers like this: