Kuba, askatasunaren eskola

26 07 2012

Uztailak 26 ditu gaur. Egun handia da kubatarrentzat. 1953an, gaurko egunez, Fidel Castrok gidatuta, Moncada eta Carlos Manuel de Cespedes koartelen kontrako erasoak egin zituzten Batista diktadorearen aurkako iraultzaileek. Kubako Iraultzaren hasiera izan zen. Atxilotu eta epaitu egin zituzten iraultzaile haiek. Fidel Castro epaiketa hartan nabarmendu zen hizlari eta iraultzaile gisara, eta epaiketa hartakoa da betiko geratu den La historia me absolverá esaldia eta hitzaldia.

Uztailaren 26ko Mugimendua sortu zuten iraultzaileek, Moncadan hasitako bideari segida emateko, eta Fidel, Che, Camilo, Tania eta beste hainbat gerrillari buru zituzten fronteekin, borroka armatuaren bidez diktadura garaitzea lortu zuten. Kubako Iraultzak eta herriak boterea eskuratu zuten.

Duela hamahiru urte, 1999ko ekainean Txalaparta argitaletxean lanean hasi nintzenean, Tafallako bulegoan pilatuta aurkitu nituen lanen artean, Fidelen liburu bat zegoen: La fortaleza conquistada. Iraultza gailendu ondoren, militarren koartelak eskola bihurtzeko erabakia hartu zuten iraultzaileek, eta horietako lehenengoaren inaugurazioan ehunka haurren aurrean hitz egin zuen Fidel Castrok, 1959ko irailaren 14an, ikasturteari hasiera emateko ekitaldian. Haurrentzat eman zuen lehen hitzaldia izan zen.

Harribitxi hutsa da hitzaldia, eta Kuban haurrentzako liburu gisara ere argitaratu zuten 80ko hamarkadan. Liburu haren fotokopiak ziren Tafallako bulegoan aurkitu nituenak.

Euskaraz Fidel Castroren libururik ez zegoenez irakurgai, liburu hura itzultzea otu zitzaidan. Ez genuen lortu ez argitaratzailearekin ez marrazkilariarekin harremanetan jartzea, eta 1999an Kubara egin nuen lehen bidaian liburu haren orijinala aurkitzearekin egoskortu nintzen, euskarazko edizioa ahalik eta ederrena izan zedin. Habanako hamaika liburu denda zeharkatu nituen, baita plazetan eta kaleetan dauden liburu saltzaileen hainbat postu ere, azkenean, Habana Zaharreko plaza batean, ale bakan bat aurkitu nuen arte.

“Este discurso fue el primero que Fidel Castro dedico a los niños cubanos, y lo pronuncio con motivo del inicio del curso escolar el 14 de septiembre de 1959 en la antigua fortaleza de columbia, convertida a partir de ese momento en ciudad escolar libertad”.

Hurrengo hilabeteotan lortu genituen liburua euskaratzeko eskubideak, eta 2000. urtean ikusi zuen argia Fidel Castroren euskarazko lehen liburuak, Txalapartaren Axuri Beltza bilduman eta 8 urtetik aurrerako haurrentzat argitaratuta: Askatasunaren Eskola. Oraindik salgai ageri da Txalapartaren webgunean.

Hau irakur daiteke liburuaren kontrazalean:
“Kuban, Iraultza gailendu zenean, errebeldeek gotorleku militarrak eta kuartelak menperatu eta askatasunaren eskola bihurtu zituzten. Lehenengoa Fidelek inauguratu zuen, eta orduan eskaini zien hitzaldi oso bat haurrei lehen aldiz. Hitzaldi ezagun hura jasotzen du esku artean duzun liburuak. Bertan, besteak beste, iraultzaile onak izateko ikasi egin behar dela nabarmentzen du egileak, ikasten ez duenak, nahi izanda ere, ez baitaki gauzak ongi egiten”.

Handik hilabete batzuetara, sasoi hartan Hala Bedi irratiko esatariak ziren Mikel Ayllon eta Aitziber Perez de Karkamo adiskideen opari polita jaso nuen. Bizitzan jaso dudan berezienetakoa, dudarik gabe. Nik euskaratutako Askatasunaren Eskola hura hartu, eta musikarekin lagunduta, atalka, irratian eman zuten, irrati-nobela balitz bezala. Guztia amaitu zutenean, cd batean bidali zidaten, opari.

Gaur, uztailaren 26a denez, Fidel, Camilo, Che, Tania eta gainerako iraultzaile guztien omenez, Kubako Iraultzak erakutsi digun bidea gogoratuz, zuekin konpartitu nahi dut.

Duela hamabi urte, Hala Bedi irratiko bi lagunek, Mikelek eta Aitziberrek, Fidelen Askatasunaren Eskola liburua hartu eta irratirako prestatutako irakurketa musikatua, gaur, zuentzat eta Kubaren lagun guztientzat.

Hemen duzue osorik entzungai, bost ataletan.

ASKATASUNAREN ESKOLA
· Testua: Fidel Castro.
· Euskaratzailea: Gari Berasaluze.
· Ahotsa: Mikel Ayllon eta Aitziber Perez de Karkamo.
· Hala Bedi irratia, 2001.

· JAITSI (66,7 Mb)

Advertisements




Ehunka haur bildu ditu Porrotxek Sortaldean

11 07 2012

Gaur, eguna lainoek eta euriak hartuta heldu den arren Zarautzera, Porrotxek eguzkiz bete du arratsaldean malekoia. Irrien Lagunak Kluba eta Irria aldizkaria aurkezteko ekitaldia egundoko festa bihurtu da Sortaldea Kultura Eremuan.

20120711-215801.jpg
[Kanpoan haurrak Porrotxentzat marrazkiak egiten aritu diren bitartean, sudur gorriak Irrien Lagunak Kluba eta Irria aldizkaria zer diren azaldu die gurasoei Sortaldearen barrualdean].

20120711-215817.jpg
[Kanpora atera denerako, irrikaz zain zituen haur guztiak].

20120711-215825.jpg
[Magia, musika, dantza, irria… Haurrek arratsalde ederra pasatzeko aukera izan dute].





Kometa gorriak gutunetan

20 03 2012

Hamalau urte igaro dira Eduardo Galeanoren testu hau euskaratu eta sasoi hartan plazaratzen genuen Vladimir literatura fanzinean argitaratu genuenetik:



“Preso politiko uruguaitarrek ezin dute baimenik gabe hitz egin, txistua jo, irribarre egin, abestu, azkar ibili eta beste preso bat agurtu. Ezin dituzte margotu, ezta jaso ere, emakume haurdunen, bikoteen, tximeleten, izarren eta txorien marrazkiak.

Didasko Perezek, eskolako maisuak, torturatua eta ideia ideologikoak izateagatik preso dagoenak, igande batean bost urteko Milay bere alabaren bisita du. Alabak txorien marrazki bat dakarkio. Zentsoreek kartzelaren sarreran hausten diote.

Hurrengo igandean, Milayk zuhaitzen marrazki bat dakarkio. Zuhaitzak ez daude debekatuak eta marrazkiak aurrera egiten du. Didaskok lana goraipatzen dio eta zuhaitzen hostoetan agertzen diren koloretako zirkuluetaz galdegiten, arramen arteko zirkulu txiki ugari horietaz:

—Laranjak al dira? Zer fruta dira?

Haurrak isilarazi egiten du.

—Ssssshhhh.

Eta sekretuan azaltzen dio:

—Babua, Ez al duzu ikusten begiak direla? Izkutaturik ekarri dizkizudan txorien begiak”.

[ iturria: Vladimir fanzinea, 6.zenbakia. Zarautz, 1998ko apirila ]

Galeanoren testu ederrarekin, eta Didasko Perez maisuaren alabak zentsoreei aurre egiteko erakutsitako irudimenarekin akordatu naiz gaur, Espainiako kartzeletan dauzkaten preso politikoei ezarri dizkieten azken debekuak ezagutu ditudanean. Albistea, hemen: Interior prohíbe a los presos de ETA y de los GRAPO firmar como ‘presos políticos’.

Tartean, honakoa salatzen du Alacanten preso daukaten David Garaboa GRAPOko presoak: “Recientemente me impusieron una nueva prohibición, una más: a partir de ahora no puedo escribir en los sobres de mis cartas la firma ‘preso político’, ni tampoco dibujar ninguna estrella roja, tal y como venía haciendo hasta ahora. De lo contrario, dichas cartas serán retenidas”.

Sasoi batean Didasko Perezi emakume haurdunen, bikoteen, tximeleten, izarren eta txorien marrazkiak debekatzen zizkioten modu berean, orain, izar gorriak marraztea debekatzen diete presoei. 2012an. Europan.

Didasko Perezen alabak zuhaitzetan ezkutatuta marrazten zituen txorien begiak bezala, debeku antzuei eta ankerrei irudimenarekin eta literaturarekin erantzuteko garaia heldu da. Marraztu ditzagun kometa gorriak gutunetan. Honelakoak. Eta bidal ditzagun preso politikoen ziegetaraino, ezkutatuta helarazi dizkiegun izarrak aurkitu eta irribarre egin dezaten.





Manipulazioaren gainetik, gora herrien arteko elkartasuna!

9 11 2011

Palestina gure bihotzaren zati den euskal herritar guztiontzat, martxoaren 4a egun berezia izan zen.
Hondarribira eta Arbizura begira eman genuen eguna. Zenbait lagun Hondarribian izan ziren. Beste zenbaitek Arbizun herrien arteko elkartasuna bertatik bertara ezagutzeko eta horrekin hunkitzeko aukera izan genuen.

Egun hari buruzkoak idatzita utzi nituen hemen: BDS: Israelentzat boikota, Palestinarentzat zubiak

Egun hark Arbizun eman zuenari buruzko bideoa ere egin genuen irrienlagunak.com webgunerako.

Gaur, Espainiako El Confidencial Digital agerkari ultraeskuindarrak, bideo hori hartu, nahi izan duen moduan hartu eta manipulatu, eta Pirritx eta Porrotxen aurkako kanpainari su gehiago botatzeko erabili dute, egun osoan portadako lehen albistea izan den honekin: Al grito de “Palestina free”. Los famosos payasos abertzales Pirritx y Porrotx adoctrinan a niños pequeños en un colegio público de Navarra: vea el vídeo

Bideoa, ordea, ez da nik egindakoa eta irrienlagunak.com webgunean zein youtuben ikus daitekeena. Manipulatu ahal izateko, hasiera kendu eta laburtu egin dute:
· Hasierako irudiak kenduta, Arbizu Marda herri palestinarrarekin senidetuta dagoela ezkutatu dute.
· Ikastolako irudiak ezabatuta, egurra eskola publikoari eta, beraz, Nafarroako Hezkuntza Sailari emateko bidea zabaldu dute.
· Ikastolako irudiak ezabatuta, inauteriak zirela eta eskola bakoitzeko ikasleek mozorro kolektibo zehatz bat zutela ezkutatu dute.
· Nahi izan duten zatietan, nahi izan dituzten komentarioak gehitu dizkiote.

Albistean, noski, ahaztu egin dute honako hau: Vicente Ferrer garapenerako hezkuntza saria irabazi du Arbizuko eskola publikoak (Argia, 2010-07-13). Alegia, Arbizu Mardarekin senidetuta dagoenez, bertako eskolarekin garapenerako eta kooperaziorako proiektu hezitzailea dauka martxan Arbizuko eskola publikoak. Proiektu horrek, zehazki, Espainiako Gobernuaren Hezkuntza sailak antolatutako sari garrantzitsua jaso zuen iaz, eta elkartasun proiektu horren baitan ulertu behar da bideoan agertzen den guztia. Hori, noski, ez da manipulazioaren albistean sartzen.

Helburua beste bat zen, noski. Sare sozialetatik edota egunkari ultraeskuindarretatik buelta bat eman besterik ez dago gaur gauean. Sorgin ehiza hasi da Pirritx eta Porrotxen aurka eta Nafarroako Gobernuaren Hezkuntza Sailaren aurka.
· Iribas pide información sobre la actuación de ‘Pirritx y Porrotx’ en la ikastola de Arbizu (Diario de Navarra, gaur).
· Pirritx y Porrotx, los payasos proetarras, adoctrinan niños en Navarra (La Gaceta, gaur. Une honetan, portadako albistea da).

Bide batez, oraintxe ohartu naiz: nik ateratako argazki bat dago La Gacetaren portadan, aitortzarik gabe, baimenik gabe. Salatu egin beharko nituzke…





· BDS: Israelentzat boikota, Palestinarentzat zubiak

4 03 2011

Gaur ezin hobeto ikusi da mundu mailako BDS kanpainak aldarrikatzen duena nola bete den Euskal Herrian: Palestinaren aurkako genozidioak irauten duen bitartean Israeli boikota egitea eta palestinarrekin zubiak eraikitzea aldarrikatzen du kanpaina horrek.

Bada, goizean, Hondarribian, Israel, su gastronomia en Hondarribia jardunaldiak salatzeko elkarretaratzea egin dute hainbat eragilek, jardunaldiak bertan behera geratu diren arren ekimena antolatze hutsa salatzeko eta Israelen aurkako boikot kanpaina sustatzeko.

[ argazkia: hondarribikohitza.info ]

Ia ordu berean, zubiak eraikitzearen eredu alai eta koloretsua erakutsi dute Arbizun. Palestinako Marda herriarekin senidetuta dago Sakanako herria, eta bertako eskolako eta ikastolako haurrek elkartasuna eta festa uztartu dituzte gaur, inauteriekin bat eginez. Pirritx, Porrotx eta Marimototsen bisita izan dute haurrek eta gurasoek, eta sudur gorriek Palestinan hasitako erreportajerako azken irudiak filmatu dituzte. Hunkigarria, benetan…

[ argazkiak eta bideoa: irrienlagunak.com ]

Israelentzat boikota, eta Palestinarentzat zubiak, kolorea eta maitasuna. Hori da palestinarrek eskatzen digutena. Hori da bidea. Denok elkarrekin: sentitu, pentsatu, ekin! Free Palestine!

Lotutako albisteak:

· Israelgo sukaldaritza ezagutzeko jardunaldiak suspenditu dituzte [ Hondarribiko Hitza, 2011-03-04 ]

· Cancelan por amenazas unas jornadas de la gastronomía de Israel en Hondarribia [ gezurra! El Diario Vasco, 2011-03-04 ]

· Hondarribiko ostalarien elkartearen oharra, jardunaldiak bertan behera utzi dituztela jakinaraziz [ hondarribiaturismo.com ]

· Israeli Boikota aldarrikatu dute Hondarribiko udaletxean jardunaldi gastronomikoak desegin arren [ bidasoamedia.info webgunearen albistea, sionisten aldekoek hackeatu dutena, webgune porno batera bideratuz ].

· Hondarribiko ostalarien elkarteak bertan behera utzi ditu isrraeldar sukaldaritzako jardunaldiak [ askapena.org, 2011-03-04 ]

· Israelgo sukaldaritzari buruzko jardunaldiak bertan behera geratu dira. Israeli boikot-aren beste garaipen bat! [ komiteinternazionalistak.org, 2011-03-03 ]

· Las jornadas de gastronomia de Hondarribia se han cancelado. Boicot a Israel! [ Euskal Herria Rumbo a Gaza ekimenaren webgunea, 2011-03-04 ]

· Suspendidas las jornadas de gastronomía de Israel en Hondarribia por “presiones” [ Noticias de Gipuzkoa, 2011-03-04 ]

· Hau ona da. Heldu ondo: Grupos proetarras afines a la “causa palestina” consiguen que se cancelen unas jornadas culturales dedicadas a la gastronomía de Israel que iban a celebrarse en la localidad guipuzcoana de Hondarribia [ paisvasco-informacion.com, 2011-03-04 ]

· Hau ere ona da: Canceladas jornadas para conocer la cocina israeli en la poblacion vasca de Hondarribia por amenazas de judeofobos [ izquierdasindogmas.blogspot.com, 2011-03-04 ]

· Aitor Kerejeta (EAJ-PNV), Israelek Espainian duen enbaxadorea babesten!





· Hiru artikulu interesgarri, gurasoentzat

16 02 2011

Euskaraz ez dut gai hauen inguruko komentario, iritzi eta hausnarketa askorik ikusten, Hik Hasiren webgunean edo aldizkarian eta guraso.com webgunean izan ezean behintzat.

Seguru nago, ordea, nire moduan, haurrak ditugun gehienok irakurtzen ditugula artikuluak batean eta bestean, haurren elikadurari, jarrerari, osasunari eta heziketari buruz. Nik behintzat, aita izatea zer den eta nolakoa izan behar den Araitzekin egunero ikasten ari naizen heinean, interesez irakurtzen ditut bateko eta besteko artikuluak edo elkarrizketak.

Azken egunotan, zehazki, horietako hiruk eman didate atentzioa:

· Begiratzen dakiten begiak, itxaroten dakiten eskuak [ Ianire Jaio, guraso.com ].

Besteak beste, honakoa irakur daiteke:

“0 eta 7 urte bitarteko haurraren garapen osasuntsu batetarako oinarrizko ezaugarria berau zaintzen duen helduaren jarrera da. Haurrak jasotzen duen kontaktu bakoitzak mundua nolakoa den eta bertan nola izan daitekeen jakiteko balio dio. Lehen zazpi urteak oinarrizkoak dira haurraren biografiaren eraikuntzan: bizitzako lehenengo hilabeteetan sustraiak errotzen dira; lehen urteetan, enborra; eta hortik aurrera, zuhaitza bere adar eta hostoekin hornitzen da”.

· “No controle al niño: enséñele autocontrol” [ Pediatria modernoaren aitzindaria den T. Berry Brazelton medikuaren elkarrizketa. lavanguardia.es, 2011-02-12 ]

Besteak beste, honakoa irakur daiteke:

“Es lo que demostré durante años de investigación: son los niños –cada uno con su carácter– los que, con su modo de actuar, acaban determinando la conducta de sus padres”.

· ‘En defensa de las vacunas’, nuevo libro de Carlos González [ Ser Padres, 2011ko otsaila ].

Bésame mucho (haurrak eta afektibitatea) eta Un regalo para toda la vida (edoskitzeari buruzkoa) liburuak irakurri ondoren, Carlos Gonzalez bereziki estimatzen dudan pediatra da, batez ere bi liburu horietakoren batean “ez horrelakorik egin, zure pediatrak besterik esaten badizu ere” irakurri nionetik. Horregatik, ohi bezain interesgarria dirudi bere liburu berriak. Besteak beste, liburua hizpide hartuta, honakoa dio egileak Ser Padres aldizkariaren artikulu horretan.

“Desde hace unos años, cada vez me encuentro con más padres que no vacunan a sus hijos porque creen que las vacunas son inútiles, o innecesarias, o peligrosas, o las tres cosas a la vez. Algunos incluso se sorprenden de que yo esté a favor de las vacunas. Como si hubiera una especie de paquete ideológico raro-progre-natural y si defiendes la lactancia materna o coger en brazos a los niños, también debes estar, ‘lógicamente’, en contra de las vacunas y creer en la medicina ‘alternativa’ y en la era de Acuario.

Los padres que no vacunan a sus hijos suelen estar muy informados. Han leído libros, han visitado páginas y páginas de Internet. Están muy informados, pero muy mal informados. Porque esas páginas y esos libros que atacan las vacunas están llenos de errores, falacias, medias verdades, mentiras completas, argumentaciones vehementes y coloristas, datos y más datos (mal interpretados o falseados) y paranoicas denuncias sobre supuestas conjuras de la industria farmacéutica”.